गैरआवासीय नेपाली संघ अन्तर्राष्ट्रिय समन्वय परिषद (एनआरएनए आइसिसी)को २०१९-२०२१ कार्यकालको लागि अध्यक्ष पदमा कुमार पन्तले सबैभन्दा पहिला आफ्नो उमेद्वारी घोषणा गर्ने भएका छन् । पन्तले यही सेप्टम्बर २० तारिखका दिन काठमाडौँको होटल याक एण्ड यतीमा एक बिशेष कार्यक्रमका बीच घोषणा गर्ने भएको बुझिएको छ । घोषणा सभाका लागी पन्तले पत्रकारहरु र आफ्ना शुभेच्छुकहरुलाई पत्र पठाईसकेका छन् । कार्यक्रममा पन्तले आफुले उक्त पदमा दाबेदारी गर्नुको कारण बिस्तृतमा राख्ने जानकारी प्राप्त भएको छ । यहि अवसरमा उनले आफ्ना बिगतका क्रियाकलाप र भावी योजनाहरु समेटेर केहि प्रतिबद्धतापनि सार्बजनिक गर्ने योजना रहेको पन्त निकट स्रोतले बताएको छ । पन्त वर्तमान कार्यसमितिको उपाध्यक्ष हुन् । उनले सोहि पदमा दुई कार्यकाल बिताएका छन् । अघिल्लो पटक नै अध्यक्ष पदका लागि उमेद्वारी घोषणा गरेर हिडेपनि उनले भवन भट्टलाई सहयोग गरेका थिए ।