बेलायती प्रधानमन्त्री ऋषि सुनकले आफु हिन्दु हुनुमा गर्व गरेको बताएका छन् ।

बेलायतका प्रधानमन्त्री ऋषि सुनक जी-२० शिखर सम्मेलनमा सहभागी हुन शुक्रबार भारत आइपुगेका हुन्।

नयाँ दिल्लीमा उत्रे लगत्तै सञ्चारकर्मीसँग कुरा गर्दै उनले धेरै विषयमा खुलेर जवाफ दिएका थिए । एक सन्दर्भमा उनलाई हिन्दू धर्मको बारेमा प्रश्न सोध्दा उनले निकै उत्साहित हुँदै भने, ‘म हिन्दु हुनुमा गर्व गर्छु।’

बेलायती प्रधानमन्त्री ऋषि सुनक श्रीमतीसहित भारत आइपुगेका हुन्। उनले जी २० सम्मेलनमा आएको अवसरमा नजिकैको मन्दिर जाने कुरा पनि गरेका छन्।

एएनआईसँग कुरा गर्दै उनले हिन्दू धर्मसँगको आफ्नो सम्बन्धमा भने, ‘म हिन्दू हुनुमा गर्व गर्छु र म यसरी नै हुर्केको छु। म यस्तै छु। आशा छ म यहाँ मेरो बसाइको क्रममा अर्को केही दिन मन्दिरको दर्शन गर्न पनि सक्छु।’