अग्रज गायक प्रेमराजा महतले यतिबेला नयाँ लोक गीत ‘भन्देउन धरतीमाई…’को भिडियो दर्शकमाझ ल्याएका छन् । यो गीतको भिडियोलाई गायक महतले आफ्नै अफिसियली युट्युव च्यानल ‘प्रेम राजा महत’ मार्फत सार्वजनिक गरेका छन् ।

अमेरिकाको अवैतानिक बाणिज्य राजदुत समेत रहेका प्रमराज आफ्ना केही गीतहरु सार्वजनिक गर्नका लागि नेपाल आएका हुन् । सिमसिमे पानीमा, पानको पात जस्ता थुप्रै कालजायी गीतहरु बजारमा ल्याएका उनले मौलिक लोक गायनलाई महत्व दिँदै आएका छन् ।

महतको यो गीतलाई गीतकार डब्बु क्षत्रीले लेखेका हुन् । जसमा संगीत दीपक शर्माको रहेको छ भने संगीत संयोजन सविन सुवेदीले गरेका हुन् । यो गीतमा नरेन्द्र योगीको मिक्सिङ मास्टरिङ रहेको छ । यो गीतलाई समिर कार्कीले रेकर्डिङ गरेका हुन् ।

गीतको भिडियोमा गायक प्रेमराजा महत नै मुख्य भूमिकामा प्रस्तुत भएका छन् । भिडियो निर्माता कविता देवी महत हुन् । गीतको भिडियो स्टुडियोमा लाईभ छायाँकन गरेर तयार पारिएको छ ।

यो भिडियोमा मिराज अर्याल र दिनेश बिस्टको सिनेमाटोग्राफी रहेको छ । जसमा मिराज अर्यालको सम्पादन तथा भिएफएक्स रहेको छ ।