नेपालको चर्चित रियालिटी शो कमेडी च्याम्पियनका प्रतियोगी चढेको गाडी शुक्रबार भक्तपुरमा दुर्घटना हुंदा ६ जना घाईते भएका छन्।
बिहान अन्दाजी साढे ३ बजे सूर्यविनायक नगरपालिका वडा नम्बर १० मा कार दुर्घटनामा परेको हो। बागमती प्रदेश ०१-०२६ च ०३५९ नम्बरको कार अनियन्त्रित भई प्रदेश ३-०१-००३ क ६२९८ नम्बरको टिपरसँग ठोकिएको थियो।
दुर्घटनामा कमेडी च्याम्पियनका निर्देशक विशाल भण्डारीसहित ६ जना घाइते भएकोमा भण्डारी र पुजन अधिकारी अस्पतालबाट डिस्चार्ज भएका छन् ।
सुशान्त बस्याल, रजनेस अर्याल, प्रकृति गिरी र पवन भट्टराई घाइते भएका हुन्। घाईतेहरुको मध्यपुर थिमी अस्पतालमा उपचार भइरहेको डिएसपी पाठकले बताए।
घाइते मध्ये सुशान्त बस्याल गम्भीर छन्। अरु सबै सामान्य रहेको बुझिएको छ ।
दुर्घटना कसरी भएको हो भन्नेबारे प्रहरीले अनुसन्धान गरिरहेको छ। घटनामा प्रहरीले विशाल र पूजनलाई नियन्त्रणमा लिएको छ। टिप्पर चालक सागर पौडेललाई पनि प्रहरी वृत्त जगातीले नियन्त्रणमा लिएको छ।
.png)
