ड्यालास, ड्यालासमा रहेका नेपाली युवाहरु रक्तदानमा थप सकृय हुन लागेका छन् । आगामी आईतबार ड्यालास रहेको नेप स्टार अफ डिएफ डब्लु क्लबले ब्लड डोर्नस अफ अमेरिका र एनसीएससीसंगको सहकार्यमा रक्तदान कार्यक्रमको आयोजना गरेर युवाहरुलाई थप सकृय गराउन लागेको हो । नेपस्टारका अध्यक्ष नारायण क्षेत्रीका अनुसार युवाहरु मनोरञ्जनमा मात्र नभएर रक्तदान जस्ता पवित्र कार्यमा पनि थप सकृय गराउने उद्धेश्यका साथ क्लबले कार्यक्रमका लागि अग्रसरता लिएको हो । यसै बर्षदेखी औपचारीक रुपमा काम गर्न थालेको क्लबमा सकृय युवाहरुका साथै ड्यालासका धेरै नेपालीको उपस्थितीका लागि क्लबका अध्यक्ष क्षेत्रीले आग्रह गरेका छन् । रक्तदान पवित्र कार्य भएको र नेपालीहरु अमेरिकाभर सकृय भएकोमा खुशी ब्यक्त गर्दै ब्लड डोर्नस अफ अमेरिका ड्यालास च्याप्टरका अध्यक्ष शिब काफ्लेले पनि उपस्थितीका लागि सबैसंग आग्रह गरेका छन् । रक्तदान कार्यक्रम आईतबार १० बजेदेखी ३ बजेसम्म नेपाली मन्दीर अर्भिगंमा हुने छ ।