२०, फाल्गुण २०७५
बाल्टिमोर एसोशियसन अफ नेप्लिज इन अमेरिका बानाको नया कार्यसमिति निर्बिरोध भएको छ । निर्वाचन समितिले निर्वाचित पदाधिकारीहरुको नामावली सार्बजनिक गरिसकेको छैन । तर, प्राप्त जानकारी अनुसार सुबोध विलास पन्त अध्यक्षमा निर्वाचित हुने भएका छन् । त्यसैगरी बरिष्ठ उपध्यक्षमा हिरा गुरुङ, उपाध्यक्षमा गणेश लामिछाने, महासचिवमा किरण ढकाल, सचिवमा अरुण श्रेष्ठ, कोषाध्यक्षमा भिम खत्री, मेम्बरशिप डाईरेक्टरमा हिरा के।सी, आईटि डाईरेक्टरमा सुशान मानन्धर रहेका छन् ।
साधारण सदस्यहरुमा अनिल गोदार, सागर कुँवर, बलराम पौडेल, पार्वती सिंह (रिचा), यमुना घिमिरे, अविश वन्त र ज्ञानेन्द्र गहतराज रहेका छन् ।
कार्यसमितिको अध्यक्षमा सर्बसम्मत भएका पन्त अघिल्लो कार्यसमितिमा बरिष्ठ उपाध्यक्ष थिए । त्यस्तैगरि हिरा गुरुङ, गणेश लामिछाने, अरुण श्रेष्ठ, भिम खत्री, हिरा के.सी. र सुशान मानन्धर पनि अघिल्लो कार्यसमितिमा सक्रिय सामाजिक व्यक्तित्वहरु हुन् । उपाध्यक्षमा गणेश लामिछाने र सदस्य बलराम पौडेल बाल्टिमोरका सफल ब्यबसायी र सक्रिय समाजसेवी हुन् ।
यो पटक महासचिवमा मात्र दुई जनाको उमेद्वारी परेकोमा आपसी समझदारीमा रमेश भट्टले किरण ढकाललाई सहयोग गरेका छन् । किरण ढकाल नेपालदेखि नै सामाजिक सेवामा सक्रिय युवा हुन् । उनि 'म नेपाली' सामाजिक अभियानका अभियन्ता हुन् । बानामा भने उनको पहिलो अनुभव हो । ढकाललाई सहयोग गर्ने रमेश भट्ट यहाँका सक्रिय युवा समाजसेवी हुन् । भट्टले मेरिल्याण्ड र अमेरिकाको नेपाली समुदायमा दर्जनौं सामाजिक काममा नेतृत्वदायी भूमिका खेलेका छन् ।
निर्वाचन तालिका अनुसार मार्चको २४ तारिख मात्र उल्लेखित निर्बिरोध नामहरु बिजयी घोषणा हुनेछन ।
प्रकाशित मिति :फाल्गुण २०, २०७५ सोमवार -
१४:१५:२० बजे
