मेक्सिको हुँदै गैरकानुनी तरिकाले अमेरिका प्रवेशमा रोक लगाउनका लागि दुई देशका अधिकारीबिच नयाँ सम्झौता भएको छ । अमेरिका र मेक्सिको बिच भएको एक सहमति अनुसार तल्लोबाटो हुँदै अमेरिका प्रवेश गर्ने जो कोहिलाई पनि मेक्सिकोको बोर्डरबाट नै उनीहरुको देश फर्काइने भएको छ । यो सहमति पछि विभिन्न देश हुँदै मेक्सिकोबाट अमेरिका प्रवेश गर्न चाहनेका लागि बाटो बन्द नै भएको छ ।

मेक्सिकोका अधिकारीले अमेरिकी बोर्डर सुरक्षाका अधिकारीसँगको भेटमा यो सहमति भएको सीएनएनले जनाएको छ । शुक्रबार भएको बैठकले अमेरिकामा गैरकानुनी तरिकाले प्रवेश गर्न रोक लगाउनका लागि नयाँ सहमति फलदायी बन्ने बताइएको छ ।

केहि दिन अगाडी टेक्सासको एलपासोको बोर्डरमा मेक्सिकोबाट आउने कार्गो ट्रेनलाई पनि रोकेको थियो । त्यसपछि बोर्डरमा कडा सुरक्षा गर्नका लागि दुबै देशका अधिकारीबिच बैठक भएको थियो ।

मेक्सिकोका एल पासो, सान डियागो, एगल पास, टेक्सासका मेयरबिच भएको बैठकले स्टेट अफ इमरजेन्सी लगाउनेपनि निर्णय गरेका छन । उनीहरुले गैरकानुनी तरिकाले भित्रिने आप्रवासीलाई रोक्नका लागि केहि नियम बनाएर लागु गर्ने भएका छन ।

यसका साथै अमेरिकाले मेक्सिकोको बोर्डरमा सुरक्षाका लागि ८ सय नयाँ नेश्नल गार्डलाई पठाउने भएको छ । बुधबार अमेरिकी सुरक्षा बिभागले यो निर्णय गरेको हो । अहिले मेक्सिको बोर्डरमा सुरक्षाका लागि २५ सय नेश्नल गार्ड तैनाथ रहेका छन ।

तल्लोबाटो हुँदै अमेरिका प्रवेश गरेका ६ हजार ५ सय ब्यक्ति अझैपनि एल पासोको जेलमा रहेका छन । साथै हरेक दिन दुई हजार मानिस एल पासोको बोर्डरबाट अमेरिका प्रवेश गर्ने गरेको बताइएको छ । यो सातामात्र तल्लोबाटोबाट बोर्डर पार गरेर आउनेको संख्या हरेक २४ घण्टामा आठ हजार ६ सय पुगेको बताइएको छ ।
जसमा हरेक दिन ३५ सय मानिसलाई सुरक्षाकर्मीले समात्ने गरेको बताइएको छ । यसको रोकथामका लागि मेक्सिकोले अमेरिकासँग १५ वटा बुधामा सहमति जनाएको छ । जसलाई मेक्सिकोले कार्यान्वयन गर्ने भएको छ ।

आफ्नो भविष्य सुरक्षित गर्नका लागि मेक्सिकोबाट धेरै आप्रवासीहरु अमेरिका प्रवेश गर्ने गरेका छन । जसमा धेरै नेपालीपनि रहेका छन । दलाललाई लाखौं रुपैयाँ तिरेर अमेरिका आउनेका लागि अब भने निकै कठिन हुनेछ ।

मेक्सिकोका अधिकारीका अनुसार यो निर्णय कार्यान्वयन गर्न र थप बलियो बनाउनका लागि दक्षिण अमेरिकी अरु देशसँगपनि कुरा गर्ने बताएको छ । साथै मेक्सिकोले जनवरीदेखि सेप्टेम्बरसम्म सात लाख ८८ हजार आप्रवासीलाई आफ्नो देश फिर्ता पठाएको बताएको छ ।