नेपाली कांग्रेसका केन्द्रिय सदस्य तथा जागरण अभियानका अमेरिका प्रतिनिधि कल्याण गुरुङले जनसम्पर्क समिति अमेरिकाको बिबाद समाधान गर्न आफुले बिशेष पहल गर्ने बताएका छन् ।
जनसम्पर्क समिति अमेरिकाको मेरिल्याण्ड च्याप्टरले आयोजना गरेको अनौपचारिक भेटघाट कार्यक्रममा गुरुङले उक्त कुरा बताएका हुन् ।
"बिबादले हामी कही पनि पुग्दैनौं । बसेर कुरा गर्यो भने सबै विवाद समाधान हुन्छ भन्ने मेरो धारणा छ" गुरुंगले भने, "म सबै पक्षसम्म एक्लाएक्लै बसेर कुरा गर्छु अनि सबैलाई संगै राखेर पनि कुरा गर्छु । र, यो विवाद समाधान गर्नेछु ।"
कार्यक्रममा मेरिल्याण्डका जनसम्पर्क समितिका सदस्य र शुभेच्छुकहरुको सहभागिता थियो ।
राज सेन्चुरीको सभापतित्वमा भएको कार्यक्रमको संचालन नेत्र केसीले गरेका थिए ।
कार्यक्रममा सहभागीहरुले काँग्रेसला सुझाब दिएका थिए भने ती सुझाबलाई कांग्रेसको केन्द्रिय समितिमा लिखित प्रतिबेदन पेश गरेर त्यो जानकारी मेरिल्याण्ड च्याप्टरलाई जानकारी पठाउने पनि नेता गुरुङले बताए ।
प्रकाशित मिति :आषाढ ३, २०७६ मंगलवार -
०६:५५:३१ बजे
