मुक्तक - १ के के बोल्नु पर्छ कति बेला, सोच्दै सोचिनौ आफ्नै वचनले दु:ख देला, सोच्दै सोचिनौ पिरतीको डोरी चुँडिने गरी यो मन दुखायौ, कतै आफ्नो साथी टाढिएला,सोच्दै सोचिनौ !! मुक्तक - २ देख्दा अलि अलि चञ्चल छु भन्छे तर मान्छे म निकै असल छु भन्छे जसका दुई-चार वटा प्रेमीहरू छन्, उसैले नि आजसम्म सिङ्गल छु भन्छे !! मुक्तक -३ ज्यादै उठ्छ रिस अचेल, टाउको फुटाइदिन्छु बरू बगोस रगतको भेल, टाउको फुटाइदिन्छु हिजो मेरी प्रेमीका भगाइदियो आफ्नै साथीले जानु परे म जाउँला जेल, टाउको फुटाइदिन्छु !! मुक्तक -४ बाँच्न सक्दिन भन्थी तिमीबिना, छोडेर गई गरीकन यो मायाको हिनामिना, छोडेर गई ऊ मेरो जिन्दगीमा आएदेखि तहसनहस भो, रहिछे निष्ठुरी साह्रै अलच्छिना, छोडेर गई ।। मुक्तक -५ गाउँ छोडी उनले त्यो शहर रोजेपछि झुपडी नभइकन महँगो घर रोजेपछि मैले आफ्नै प्रेमीका छोड्नै परेको हो, ढिडो, रोटीभन्दा पिँजा बर्गर रोजेपछि । - त्रिवेणी गा.पा -५ जुगार,रोल्पा हाल : चण्डिगढ्,भारत ।   (भिम डाँगीका यी मुक्तकहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram) मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)