अमेरिका । एनआरएनए अमेरिकाको प्रवक्तामा डा. राजन पन्त नियुक्त भएका छन् ।

एनआरएनए अमेरिकाको आइतवार बसेको कार्यसमितिको बैठकमा अध्यक्ष बन्जाडेले यो जानकारी दिएका हुन् । बैठकशुरु हुनु अघिनै अध्यक्ष बञ्जाडेले पन्तलाई प्रवक्ता नियुक्त गरी सपथ समेत गराएको भनेर बैठकमा जानकारी गराएकोसहभागी एक सदस्यले जानकारी दिए ।

प्रवक्ता नियुक्त गर्ने अधिकार विधानले अध्यक्षलाई दिएको छ । प्रवक्ता एनआरएनए कार्यसमितिको सदस्य सरह हुन्छ ।

पन्त २०१९-२१ कार्यकालमा मेम्बरशीप भेरिफिकेशन कमिटिको चेयर थिए ।

कार्यसमितिको वैठकमा अध्यक्षले २७ जना सल्लाहकारको नाम समेत पढेर सुनाएका थिए । तर, सल्लाहकार हुनकालागि सम्वद्ध व्यक्तिको बायोडाटा आवश्यक पर्ने भएकाले त्यस अनुसार नआएकाले आइतवार नियुक्त हुन सकेनन् ।सल्लाहकारमा परेकाहरुसँग वायोडाटा लिएर प्रकृया पुर्याएर सबैको छलफल पछि फेरि वोर्डमा लैजाने निर्णय भयो । पाँचजना सल्लाहकार अध्यक्षले नियुक्त गर्न पाउँछन् । तर, यी पनि आफ्नो क्षेत्रमा विशेष दक्षता भएका व्यक्ति हुनुपर्छ ।

एनआरएनए अभियानमा सम्लग्न नभएका तर गत निर्वाचनमा मात्र सक्रिय भएका केही नामहरुमा विवाद समेत भएकोबुझिएको छ ।