नेपाल तरुण दल अमेरिकाले प्रधानमन्त्री के.पी ओली बिरुद्ध प्रदर्शन गर्ने सूचना सार्बजनिक गरेको छ । तरुण दल अमेरिकाका उपसभापति अनन्तराक सुबेदीले संचार माध्यम र सर्बसाधारणलाई सार्बजनिक सूचना पठाएर यो जानकारी गराएका हुन् ।   "प्रधानमन्त्रीले शुरुमा धेरै सपना बाँड्नु भयो तर, सिन्को भाँच्न सक्नु भएन । हत्यारा र अपराधीहरुको संरक्षक भएर बसिरहनु भएको छ। प्रचण्डलाई पार्टीमा ल्याउनु र निर्मला हत्याका अपराधीलाई कारबाही गर्न नसक्नुले यो पुष्टि गरेको छ । त्यसैले हामीले नचाहदा नचाहदै बाध्या भएर उहाँ बिरुद्ध प्रदर्शन गर्नु परेको हो " सुबेदीले नेप्लिज डायस्पोरासंग कार्यक्रमको औचित्यबारेमा स्पष्ट पारे ।   सुबेदीले दुई स्थानमा प्रदर्शन गर्ने र दुवै स्थानमा कालो झण्डा देखाईने पनि जानकारी दिए ।   तरुण दल अमेरिकाले जारी गरेको सार्बजनिक सूचना यस्तो छ:   आदरणिय न्यायप्रेमी दाजुभाई तथा दिदिबहिनीहरु, १७ हजार नेपालीको हत्याका नाईके प्रचण्डलाई 'हेग' पठाउनुको सट्टा उनी सहित माओबादी पार्टी र सबै कार्यकर्ता टिका लगाएर आफ्नो पार्टीमा स्वागत गर्ने र उनीहरुकै राजनीतिक कार्यदिशामा अगाडी बढिरहेको नेपालको वर्तमान कम्यूनिष्ट सरकारको तानाशाही हैकमबादी प्रवृत्ति, अधिनायकबादी चरित्र र राज्यको ब्यापक दमन, भ्रष्टाचार, दिनदहाडै भएका हत्या एबं बलात्कार, अनियन्त्रित महँगाई बिरूद्दमा ब्यापक बिरोघ प्रदर्शन एवं नेपालको लोकतन्त्र, मानवाधिकारको समर्थनका लागि तरूण दल अमेरिकाले यहि सेप्टेम्वर २७ तारीखका दिन ३ बजे दिउसो संयुक्त राष्ट्र संघको मुख्यालय न्यूयोर्क (स्थान :- Dag Hammarskjold plaza, 47th St.1st Ave Manhattan, New योर्क) मा र २८ तारीख देश र आम नेपाली जनता रोईरहेको बेलामा आयोजित औचित्यहिन सम्मान कार्यक्रमको कुनै अर्थ नरहेकोले (72-11 Roosevelt ave) मा दिउसो ४ बजेदेखी प्रधानमन्त्रि के पी ओली बिरुद्ध कालो झण्डा सहित ब्यापक बिरोघ प्रदर्शन कार्यक्रम आयोजना गरेको यहाहरूलाई जानकारी गराउदै उक्त बिरोघ कार्यक्रममा ब्यापक सहभागिताको लागि हार्दिक अनुरोघ गरिन्छ । पुनश्च: बिरोधका सम्पुर्ण कार्यक्रमहरू यथासिध्र प्रकाशित गरिनेछ । जय नेपाल अनन्तराज सुबेदी उप सभापति नेपाल तरूणदल अमेरीका