आँसुको सागरमा डुबेर, रविको पहिलो स्पर्शसँगै उठेर, पारिवारिक सुख, सन्तुष्टीको लागि आफ्नो हरेक खुशीलाई त्यसै थाँती राखेर दैनिक गृहकार्यमा लाग्ने, आँधी र तूफान उठेर, दैव पनि जुटेर, बज्रपात गराएर, त्यो झुपडीमा विभिन्न बाधा अनि अड्चनका अस्त्र नआएका होइनन् तर दुर्गा, सरस्वती, भगवती, काली, सिता, पार्वती बनेर प्रतिकार गरिरहेँ . . . . बाहिरी प्रहार कुनै आउन दिइनँ, परिवारमा अँध्यारो छाउन दिइनँ, जोगाएर राखेँ विश्वासका पर्खाल जँगे पिल्लर जसरी खडा भएर हरेक चुनौतीमा स्वयं ढाल बनेर उभिएँ शिकारीको शिकार बन्ने, भोकाएका र तिर्खाएका व्वाँसाहरूको आहारा बन्ने हो ........। चिन्न पो त सकेनौँ कसैले निर्मला, सिता, गिता, राधा, कमला, बिमला सबैले तिम्रो भोक, प्यास, मेटाए थाहा छ आफ्नै प्राणको आहूती दिएर त्यसरी नै हरेक पलमा तिम्रा खुशीका लागी रक्तकुण्डमा चुर्लुम्म डुब्दा पनि तिम्रो स्वार्थको प्रेममा प्रेम छर्न बाध्य बनेँ . . . . . मलाई पीडा हुँदा खुशी हुने, गुराँसका रङ्गसरी रक्त बगाउँदा आनन्दित प्रफुलित हुने, पीडाले कराउँदा गर्वले छाती चौडा अझैँ चेतना फैलिएको छैन, विचारमा परिवर्तन छैन, अझैँ म उही हुँ, उही ठाँउमा साँच्चै हर रात उज्यालो जून जस्तै एकनास बग्ने नदि जस्तै मन्द मन्द बहने हावा जस्तै परिवर्तन बिनाकी आदिम युगकी किन्नरी बन्न नसकेकी ज्वालामा जल्न विवस म स्त्री... भरतपुर -२३ जगतपुर, चितवन नेपाल हाल : दोहा कतार (- प्रकाश पाठक "योगी"को कविता साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram)  मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक।)