मुक्तक -१ काटे पनि शत्रुले हाम्रो कुरा अगाडि बढ्नुपर्छ, बलबुद्धि सबै लगाएर पूरा अगाडि बढ्नुपर्छ, मान्छेले मान्छेको,कुरा काट्न छोड्दैनन् कहिल्यै, सुरु गरेको काम नछोडी अधुरा अगाडि बढ्नुपर्छ। मुक्तक -२ ढाँटेर,चोरेर बदनामी हैन्, बाँच्नुहोस दानी बनेर, सबैले पिउने कलकल, शुद्ध मीठो पानी बनेर, के लगेर जानेछौँ र ? यो पृथ्वीबाट हामीले यहाँ, एकदिन यो ज्यान पनि सकिनेछ खरानी बनेर । मुक्तक -३ गरिबहरू झनै ग रिब हुँदैछन् हाम्रो नेपालमा, धनीहरूले आकाश छुँदैछन् हाम्रो नेपालमा, नातावाद कृपावादले,योग्यता भा'का पछीपरे, दक्ष मान्छेहरू,चिच्याउँदैछन् हाम्रो नेपालमा । -मुक्तक -४ गरिबहरू झनै गरिब हुँदैछन् हाम्रो नेपालमा, धनीहरूले आकाश छुँदैछन् हाम्रो नेपालमा नातावाद कृपावादले,योग्यता भा'का पछीपरे, दक्ष मान्छेहरू,चिच्याउँदैछन् हाम्रो नेपालमा। मुक्तक -५ मान्छे-मान्छे हामी एकै हौं,के फरक छ र ?रगतमा, तँ सानो-ठूलो भन्दै किन गर्छौ, भेदभाव फगतमा, मान्छे ठूलो दिमागले हुन्छ जातले हुँदैन कहिल्यै, भगवानका सृष्टि मात्र हुन् जात,नर-नारी जगतमा । गौमुखी गाउँपालिका -६ प्यूठान (रबिन श्रीपालिका यी मुक्तकहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram)  मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)