त्यो घर
जहाँ मैले संसारमा आउने अवसर पाए।।
आज ऊ पनि एक्लो
म पनि ।।
ऊ झारले पुरियो
म व्यथाले ।।
मेरो मन
यो घरभित्रै छ
तन जहाँ भए पनि ।।
काल वा समय
हिजो पुर्ख्यौली घरभित्र थ्यो
आज ऊ पनि हिड़िँरह्यो
म पनि ।।
यो घर
त्यही छ - जीर्णोद्धार कुरेर ।।
बाबा आमा
हामी भाल्डाङभुल्डुङ
हावाको वेगले बालुवा उड़ाए झै
उड़े छौं -छरिएछौं यत्र-तत्र
थाहै नपाई ।।
मेरो घर
त्यो खाली आँगन
म हिजो खोजिरहेछु ।।
- गीतखोला, दार्जिलिङ्ग भारत ।
(अर्जुन शर्मा निरौलाको यो कविता साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram) मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।) 
