मेरो देश लुटिँदैछ कोपरिँदैछ , गिद्दे नजर लगाउँदैछ्न् चोक्टा चोक्टा त पारिसकेका थिए , अहिले पराइले सम्म लुट्न थाले । आज धर्ती माता प्राणभन्दा प्यारो देश परिबन्धनमा पारिँदैछ लुटिँदैछ चारैतिरबाट खोक्रो पारिँदैछ भित्रैबाट , हामी राष्ट्रभक्त जनता टुलुटुलु हेरिँदैछ । हिजो महाकाली गुमाइयो कर्णाली गुमाइयो सुस्ता मिचियो , टनकपुर मिचियो , आज कालापानी गुम्दैछ वीर पुर्खाले खुकुरीको धारबाट युद्ध गरी बचाएको नालापानी गुम्दैछ भोलि जनकपुर गुम्नेछ सगरमाथा गुम्नेछ , लुम्बिनी गुम्नेछ , यसैगरी सारा देश गुम्नेछ । खै कहाँ छ सरकार कता छ प्रतिपक्षी , विश्वविद्यालको नाउँमा राजनीति गर्ने संगठन कता छन् ? गाउँ-गाउँमा लुटतन्त्र मच्याउने, भातृ संगठन कता गए ? पेट्रोलको भाउ बढेको देख्छ्न, देख्दैनन् चामलको मूल्य बढेको , ठेक्कापट्टामा घाटा नोक्सान देख्छन् देख्दैनन देशको सीमा मिचिएको आफैभित्र मिलेर भष्म पार्दैछन् देश रित्याउँदैछ् नेपालीको अस्तित्व , सकिँदैछ बुद्धको देश । आऊ युवा हो जुटौं सबै मिलेर लडौं दुश्मन विरुद्ध , बचाउनुछ पुर्खाले दिएको सम्पत्ति कालापानी हाम्रै हो नालापानी, टनकपुर लिप्पुलेक लुम्बिनी हाम्रै हो । आऊ सार नेपाली जुटौं अन्तिम लडाइँ गर्नुछ देश बचाउनुछ । देश बचाउनु छ । - इस्मा गाउँपालिका -६ अमरपुर (गुल्मी ) हाल : काठमाण्डौं (कमल डिभोर्स पराजुलीको यो कविता साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram)  मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)