मुक्तक -१ कैयौं मुटु धुजा भा'छ हाम्रै सामुन्नेमा देशभक्ति मुजा भा'छ हाम्रै सामुन्नेमा राष्ट्र निर्माताको सालिकसमेत ढलाएर देशद्रोहीको पूजा भा'छ हाम्रै सामुन्नेमा । - सन्तोष अम्गाईं गोरखा हाल : काठमाण्डौ । ....................................................................... मुक्तक -२ तिम्ले देखेको सपनाले आज नेपाल बनेको छ एकएक गरी तिम्रा उपदेश इतिहासले गनेको छ एकताको बीउ रोप्यो, सबका मनमा छाइदियौ शिर ठाडो पारेर हिँडी सबले नेपाली भनेको छ । - स्मृति लक्ष्मी बिराटनगर, नेपाल । ....................................................................... मुक्तक -३ गणतन्त्रको नाममा शालिक, तिम्रो फोडियो एकतामा बाँधेको नेपाल, संघीयतामा तोडियो न सीमा सुरक्षित छ आज, न सीमा सुरक्षित छिन् तिमीले देश जोड्यौ अहिलेकाको, सम्पत्ति जोडियो । - चेतन खतिवडा काठमाण्डौ, नेपाल । ....................................................................... मुक्तक - ४ एकता सद्भाव भजाएर, निमुखालाई उछाल्न थाले साम्प्रदायिकता र जात, धर्ममा भाँजो हाल्न थाले माट‍ोमा हाले योगदान, ऐतिहासिक ती पहिचान गलत अर्थ निकालेर, पृथ्वीको शालिक ढाल्न थाले । ✍ गोम बिक्रम कल्लाबारी, पाल्पा । ....................................................................... मुक्तक -५ यी खोला नाला पहाड पर्वतहरू, टन्न पाएका छौँ सानाठूला सबै हाम्रै सम्पत्ति भन्दै,गन्न पाएका छौँ थिए एक सुरवीर मातृभूमिलाई माया गरेका, र त हाम्रो देश नेपाल र हामी नेपाली भन्न पाएका छौँ । - कृष्ण पाण्डेय बुटवल, नेपाल । बिभिन्न साहित्यकारका यी मुक्तकहरु