मुक्तक -१ चोरलाई चौतारी डाका भए दौंतारी साधु परे सुलीमा भ्रष्ट भए औतारी !! - बैद्यनाथ ठाकुर प्रगतिनगर -३, वीरगञ्ज । ............................................................. मुक्तक -२ यहाँ चोरलाई साधु बनाइदैछ टाउकामा सुनपानी खनाइदैछ अनि उसैका लुटका रुपैयाँले दह्रो विजय उत्सव मनाइदैछ । - लक्ष्मी स्मृति, बिराटनगर । ............................................................. मुक्तक - ३ नजानेर त बेग्लै कुरा, जानी जानी गल्ती छर्छौ अनेकथरी खेल गरी, खुशामदी चल्ती गर्छौ आशाको मूल सुकाएर, फाल्तु कुकुर भुकाएर सन्त्रास छरी सबैतिर, केवल आफ्नै खल्ती भर्छौ । ✍ गोम बिक्रम कल्लाबारी, पाल्पा । ............................................................. मुक्तक -४ कसैलाई खाली जमिन देख्नु हुन्न, जङ्गल बढेको पीर छ बिचरा स्वाभिमानी नेपालीको जताततै नुहिएको शिर छ कोशी बेचे गण्डकी बेचे काली बेचे, चेलीबेटी बेची सके के गर्ने पछाडी हटौँ खाल्डो छ अगाडी बढौँ तारे भीर छ । - मनोज सिलवाल गोदावरी, काठमाण्डौ । ............................................................. मुक्तक -५ भ्रष्टाचार हाम्रो संस्कृति हो यसको वाहीवाही गर्नुपर्छ भ्रष्टाचार नै नगर्नेले पनि अब कहिलेकाही गर्नुपर्छ अब छिट्टै संसदबाट विधेयक पास गर्नुपर्छ हामीले अनि जो भ्रष्टाचार गर्दै गर्दैन उसलाई कारबाही गर्नुपर्छ । - गणेश खतिवडा । काठमाण्डौं । (बिभिन्न साहित्यकारहरुका यी मुक्तकहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram)  मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)