यो माटोको चन्दन नरहे साथ रहन्छ के नै शेष संसारको शुन्दर भू-तल मेरो नेपाल प्यारो देश । उषाको लाली धपक्कै बाली सौर्यको प्यारो धीर कस्तुरी डाँफे नाचेर हिँड्ने सगरको उचो शीर ! हिउँफूल फुल्ने हिउँकै कुञ्ज हिमाली त्यो भेष संसारको शुन्दर भू-तल मेरो नेपाल प्यारो देश । शिरफूल सिउरी चटक्कै चुल्ठी नागवेली झरना छन् ती आँचलभरि सिर्जना हजार जुहार अनेक छन् ! बैभवकी खानी थुम्केली रानी पहाडी त्यो भेष संसारको शुन्दर भू-तल मेरो नेपाल प्यारो देश ! सुनैका बाला झुलेझैँ झुल्छन् तरेली-तरेली फाँटहरू पसिना पोखी धर्ती ब्यूँझाउँछन् सहस्र पौरखी आँतहरू ! अनेकौं तालमा एकै छ लय मिथिल्ला त्यो भेष संसारको शुन्दर भू-तल मेरो नेपाल प्यारो देश ! यो माटोको चन्दन नरहे साथ रहन्छ के नै शेष संसारको शुन्दर भू-तल मेरो नेपाल प्यारो देश ! – बाह्रदसी – १, झापा हाल : काठमाण्डौ । (प्रथाको यो कविता साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram) मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)   गीतकार सतिश चापागाईंका गीतहरु https://youtu.be/-nOYsZW0UEg   https://youtu.be/enSHw4h0vKU