तस्विर : ईकान्तिपुर मुक्तक -१ स्वर्ग भन्दा मुमाकाे छ त्याे काख प्याराे सुख सयल भन्दा पनि झन् लाख प्याराे याे जन्म सफल बनाअाैँ सम्झेर धरालाई अाऊ बचाअाैँ ममताकाे छ साख प्याराे । -हिमाेढ पहाडी भारत .......................................................... मुक्तक -२ रातभर कोल्टे फेर्दै सम्झि रहेकी होलिन् । घरि घरि तस्बिर हेर्दै सम्झि रहेकी होलिन् । घर छोडेर न जा बाबू भन्थिन् परदेश हिड्दा , यादहरू अाँचलमा बेर्दै सम्झि रहेकी होलिन् । - दङ्गाली तारा समर्पण तुल्सीपुर, दाङ्ग .......................................................... मुक्तक -३ आमा महान हुनुहुन्छ, सृष्टिदाता हुनुहुन्छ मेटेर कहिल्यै नमेटिने अमर नाता हुनुहुन्छ दु:ख दिनु हुँदैन आमालाई् सदैव सेवा गरौं आमा हाम्रो जीवनको, सधैको गाता हुनुहुन्छ । - सिताराम के.सी. रामेछाप हाल : भारत .......................................................... मुक्तक -४ एउटा झुट लुकाउनलाई सयौं झुट बोल्छौ किन ? मानवता कुल्चेर अरुको जीवन बिथोल्छौ किन ? नारी आमा हुन् दिदी हुन् बहिनी अनि धर्ती हुन् ! दानव बनी अस्मिता लुट्न बस्त्र खोल्छौ किन ?? - सानू पौडेल बुटवल, नेपाल । .......................................................... मुक्तक -५ अात्तेकी छु अनेक चिजले सताएर आमा साद्धे छैन ज्यानको रोग बताएर आमा कत्ति पटक सम्झेँ मैले ओछ्यान परेपछि कोही नि छैनन् पानी दिने तताएर आमा। अदिती अर्याल ज्ञवाली कुलेश्वर-१४, काठमाडौं ..........................................................   मुक्तक -६ पिठ्यूँ माथी मलाई बोकी, पछ्यौरीले बाँन्थ्यौ आमा मेलापात अनि घास दाउरा , आफुसँगै लान्थ्यौ आमा तिम्रो मायाँ सम्झि ल्याउँदा ,यस्तो लाग्छ अहिले मलाई आफ्नो मुटू भन्दा पनि ,मलाई प्यारो ठान्थ्यौ आमा ...!! - निर्मल पराजुली सामाखुशी काठमाण्डौ ..........................................................   मुक्तक -७ सन्तानका निम्ति जुगैभरी, खतरा कदम चाल्ने आमा छन् हाडछाला उत्ति सुकाएर, मरिमेटेर पाल्ने आमा छन् कसरी गरुँ परिभाषा, कहिले लाखा कहिले पाखा आफ्नै कोखमा जन्माएर, बाँसघारीमा फाल्ने आमा छन् । ✍ गोम बिक्रम कल्लाबारी, पाल्पा । .......................................................... मुक्तक -८ मनमा अनेक कुराले बिथोल्छ आमा सम्झिन्छु । यो मन मुटु झन् भत्भती पोल्छ आमा सम्झिन्छु । आफूले आफ्नै मन बुझाउन पर्ने भएको छ अचेल, जब यादहरुले पिरोल्नु पिरोल्छ आमा सम्झिन्छु । - प्रभा ढुङ्गाना ककनी गापा, नुवाकोट । .......................................................... मुक्तक -९ वात्सल्यको हाँगामा बाँधिएको डोरोको याद आउँछ निर्मम छ कठोर छ र पनि त्यही मोरोको याद आउँछ यादहरूको झरीमा नसुक्ने गरि निथ्रुक्क भिजेकीछु वृद्धाश्रममा छु, र पनि त्यही छोरोको याद आउँछ । - विवश पोखरेल काठमाण्डौ । .......................................................... मुक्तक -१० तस्बिरमा हेरेर मात्र चित्त बुझाउनु मेरी अामा अाफ्ना परेली कहिल्यै नरुझाउनु मेरी अामा भोलि माता तीर्थ भेटघाट हुन्छ भाइ र बहिनी बाटो खुले अाउँछे भन्दै सम्झाउनु मेरी अामा !! - शारदा घिमिरे भैल बनेपा, काठमाण्डौ ।   (यी सबै साहित्यकारका मुक्तकहरु साहित्यकार गोम बिक्रमले संकलन गर्नु भएको हो । नेप्लिज डायस्पोरा पत्रकार सतिश चापागाईंको सम्पादकत्वमा अमेरिकाबाट संचालन हुने अनलाइन हो । तपाई पनि नेप्लिज डायस्पोरामा साहित्यिक रचना पठाउन चाहनुहुन्छ भने गोम बिक्रमको फेसबुक (https://www.facebook.com/gom.bicram) मा सम्पर्क गर्नुहोला । नेप्लिज डायस्पोराको फेसबुक पेज https://www.facebook.com/nepalesediaspora लाइक गर्न र युट्युब च्यानल https://www.youtube.com/nepalesediaspora लाई सब्स्क्राइब पनि गर्नु होला। -सम्पादक ।)   https://youtu.be/ZUTyTBDOil4   https://youtu.be/-nOYsZW0UEg   https://youtu.be/enSHw4h0vKU