शान्ति अर्याल अधिकारी पोर्चुगल नेपाल पत्रकार महासंघ यूरोप शाखा अन्तर्गत पोर्चुगल शाखा र बेल्जियम शाखाको संयुक्त आयोजनामा एकदिवसीय खोज पत्रकारिता तालिम सम्पन्न भएको छ । अनलाइनको माध्यमबाट बिभिन्न देशमा बसोबास गर्ने र पत्रकारितामा रुचि राख्ने वा पत्रकारिता गरिरहेका ३८ जनालाई घरमै बसी बसी तालिम लिने अवसर प्रदान गरिएको थियो । शाखाले यस अगाडि पनि प्रवासमा पत्रकारिता बिषय तालिम सम्पन्न गरिसकेको छ। सहजकर्ता द्धय खोज पत्रकारिता केन्द्र नेपालका सल्लाहकार तथा निवर्तमान अध्यक्ष नम्रता शर्मा र नेपाल पत्रकार महासंघ नेपालका पूर्व अध्यक्ष तथा खोज पत्रकारिता केन्द्र नेपालका सम्पादक शिब गाउले खोज पत्रकारिता के हो ? कसरी गरिन्छ ? यसको सिमा के के हुन ? कस्ता बिषय बस्तु छनौट गर्ने नेटवर्क कस्तो हुनुपर्छ ? सुरक्षित पत्रकारिता गर्ने तरिका अन्तर्वार्ता लिने शैली र प्रवासमा रहेर कसरी पत्रकारिता गर्ने लगायत बिबिध बिषयहरु माथि सहजीकरण गर्नु भयो । सहभागीहरूले राखेको जिज्ञासा मेटाउदै द्धय सहजकर्ताहरुले पत्रकार तल्लो तहदेखि माथिल्लो तहसम्म पुगी सबै तहका मान्छेको आवाज लाई बोल्नु पर्ने कुरामा जोड दिनु भयो । कार्यक्रममा नेपाल पत्रकार महासंघ केन्द्रीय उपाध्यक्ष बिपुल पोखरेलले प्रवासमा रहेर पनि पत्रकारिता गरिरहेका पत्रकारहरुलाई धन्यवाद दिनुभयो । वहाँले पछिल्लो समय प्रेस र पत्रकारहरूमाथि हस्तक्षेप बिरूद्ध एकताबद्ध भै आवाज उचो बनाउदै ब्यबसायक बन्न सफलता मिलोस् भन्ने शुभकामना ब्यक्त गर्नु भयो। कार्यक्रम पोर्चुगल शाखा संयोजक योगेन्द्र छन्त्यालको संचालन र बेल्जियम शाखाका संयोजक ओम शर्माको अध्यक्षतामा सम्पन्न भयको हो ।