मुक्तक - १
सारा संसार भौतारिँदा पनि तिमी जस्तै
तड्पिएँ 'सहारा-सहारा' भनि तिमी जस्तै
ए अँधेरीको जून एक्लै नसम्झ आफूलाई
सहारा बिनाको बटुवा हुँ म नि तिमी जस्तै ।
मुक्तक - २
सकेसम्म जीवनमा हाँस्ने प्रयास गर्नुपर्छ
मुस्कानले पीडाहरू मास्ने प्रयास गर्नुपर्छ
फलामले खियासँग सम्बन्ध गाँसेको जस्तो
दु:खसँग पनि पिरती गाँस्ने प्रयास गर्नुपर्छ ।
मुक्तक - ३
सँगै हुन पाएनौं झन् पछि झन ठिकै छ
एउटा उता,एउटा यता भयो तन ठिकै छ
नजिक हुन्छन् तर भेट हुन्नन् किनारा बुझ
भोग्नै पर्ने रैछ विवशताको बन्धन ठिकै छ ।
मुक्तक - ४
हिजो पनि आयो,आज पनि आयो
दिनहुुँ दु:ख आयो र मलाई सतायो
केही फरक पार्नु पर्ने हो जीवनमा
न त सिङ्ग आयो,न पुच्छर पलायो ?
मुक्तक - ५
केही नभएको भान दिनेहरूलाई
कारागारबाट मुस्कान दिनेहरूलाई
काँचोको दर्जा दिन्छौं हामीले किन ?
लालटिनको पहिचान दिनेहरूलाई ।
- सेङ्लेङ,अर्घाखाँची
.png)
