कालापानी आऊ न भाइ वार्ता गर्नु छ
ईमान्दारी साथमा लिपु फिर्ता गर्नु छ ।
ठुली आमा हास्दै बस्छिन् रुन्छिन् सानी माँ
आँसु मात्रै देख्छु उन्का दुबै नानीमा !
लड्ने हैन मिलिजुली सुर्ता गर्नु छ
कालापानी आऊ न भाइ वार्ता गर्नु छ ।
रोटी बेटि भन्छौ तर लाजै नमानी
लगाउँछौ आँखा देखि हाम्रै जवानी !
सीमारेखा मिलाएर दर्ता गर्नु छ
ईमान्दारी साथमा लिपु फिर्ता गर्नु छ ।
कालापानी आऊ न भाइ वार्ता गर्नु छ
ईमान्दारी साथमा लिपु फिर्ता गर्नु छ ।
हाम्रा जडी हाम्रा बुटी, हाम्रै पानीमा
मनोमानी चल्छ तिम्रो वेईमानीमा !
आफ्नो माटो आफ्नै बाटो चर्चा गर्नु छ
कालापानी आऊ न भाइ वार्ता गर्नु छ ।
कालापानी आऊ न भाइ वार्ता गर्नु छ
ईमान्दारी साथमा लिपु फिर्ता गर्नु छ ।।
.png)
