शान्ति अर्याल अधिकारी
लिस्बन पोर्तुगल

यही साउन २ देखि ५ गते सम्म अर्थात् July 17-19 सम्म हुन लागेको अन्तराष्ट्रिय नेपाली साहित्य समाज अनेसास केन्द्रको निर्वाचनमा अन्तराष्ट्रिय नेपाली साहित्य समाज पोर्चुगल च्याप्टरका अध्यक्ष बिनोद स्पन्दनले महासचिवमा उम्मेदवारी दिने हुनु भएको छ |

शुक्रबार सामाजिक संजाल मार्फत बिज्ञप्ति जारी गर्दै सो घोषणा गर्नु भएको हो ।बिगत केही बर्ष अगाडि देखि पोर्चुगलमा बस्दै आउनु भएका स्पन्दनले प्रबासबाटै नेपाली साहित्य, कला र संस्कृतिको उत्थानका लागि निरन्तर कलम चलाउदै आउनु भएको छ ।

वहाँका हरेक कबिता मुक्तक र गजलहरुमा नेपाली माटो र नेपालीपन झल्केको पाईन्छ ।डायस्पोरामा नेपाली भाषा र साहित्यमा सकारात्मक बिकासको पहरेदारी गर्न नै महासचिवमा उमेदवारी दिएको वहाँले बताउनु भएको छ ।

साहित्यिक सस्थामा देखिने गलत आचरण, बिकृति र विसंगतिको अन्त्य गर्दै साच्चिकै संस्थालाई नेपाली भाषा कला र साहित्य प्रति लगनशील र मर्यादित गराउन नै मेरो उम्मेदवारीको मुख्य उद्देश्य हो ,स्पन्दनले बिज्ञप्तिमा भन्नु भएको छ।