काठमाडाैँ । सामाजिक काममा निरन्तर सक्रिय युवाहरुको सम्ह हाम्रो टिम नेपाल र सामाजिक अभियन्ता जनक सुनारको सक्रियतामा राहात वितरण भएको छ । केहि हप्ता अगाडी अछामको रामारोसन गाउँपालिका ५ मा गएको बाढि पहिरोको कारण ज्यान गुमाएका परिवारहरुलाई नगदसहित राहात हस्तातरण गरिएको हो ।
काठमाडौँवाट गएको हाम्रो टिम नेपालका मनकारी युवाहरु र अभियन्ता सुनार सहितको टोली प्रभावित क्षेत्रमामै पुगेर राहात हस्तान्तरण भएको छ । हाम्रो टिमका अभियन्ताहरु उमेश बोहोरा, अनिल बानियाँ लगायतका युवाहरुले मृतक १७ परिवारलाई राहात हस्तान्तरण गरिएको हाम्रो टिमका साजन श्रेष्ठले जानकारी दिएका छन् । 
हाम्रो टिम नेपाललाई परदेशमा रहेर सामाजिक काममा निरन्तर सक्रिय अभियन्ताहरु ईशा गुरुङ,खुशी राई,लिला राई, विनि गुरुङका साथै पल शाह फाउन्डेशनले बिषेश सहयोग गरेको थियो । स्मरण रहोस् केहि दिन अगाडी कालिकोटको नरहरीनाथ गाउँपालिकामा गएको बाढि पहिरोका कारण प्रभावित परिवारहरुलाई राहात हस्तान्तरण गरी हाम्रो टिम नेपालका युवाहरु अछाम पुगेका हुन् । हाम्रो टिम नेपालले धेरै बर्ष पहिलेदेखि यस्तै सामाजिक कामहरु गर्दै आएको छ ।
