भुपुले छोडेपछि उसैको याद बारम्बार आयो
एउटा पीडा अनि अर्को आँसु उपहार आयो
ऋण काडेर धन पैसा कमाउन हिँडेको मान्छे
उतै परदेशमा मर्यो अरे भन्ने समाचार आयो
कोरोना र भोकमरीले गर्दा मर्नै लागेको बेला
सरकारले पैसा दिएपछि बाँच्ने आधार आयो
नसोध यति धेरै खुशी हुनुको कारण मलाई
मैले सय दिएँ प्रिय बदलामा त हजार आयो
जुन ढुङ्गालाई नि मैले कुल्चेर हिँडेको थिएँ
त्यही ढुङ्गा लिएर भगवानको अवतार आयो
दियो जस्तै जिन्दगी उज्यालो बनाउँछु भन्थें
नभन्दै जीवनमा हुरि आयो अन्धकार आयो
बुद्धभुमी २, गोरुसिङ्गे,
कपिलवस्तु, नेपाल
.png)
