काठमाण्डौ । आरम्भ चौतारी लघुवित्त बित्तिय संस्था,सिवाईसी नेपाल लघुवित्त वित्तिय संस्था र शालीग्राम लघुवित्त वित्तिय संस्था एकआपसमा गाभिने भएका छन् । शुक्रवार बाग्लुगंमा भएको एक कार्यक्रममा तिन वित्तिय संस्थाका अध्यक्षहरु बिच एक आपसमा गाभिने सहमती भएको हो । कार्यक्रममा आरम्भ चौतारी लघुवित्तका अध्यक्ष जगतवहादुर पोख्रेल,सिवाईसी नेपाल लघुवित्त संस्थाका अध्यक्ष पद्मनाथ शर्मा र शालीग्राम लघुवित्त संस्थाका अध्यक्ष कृष्ण बहादुर थापाले सहमती पत्रमा हस्ताक्षर गरेका हुन् । बनेपा केन्द्रिय कार्यालय रहेको आरम्भ चौतारी,बाग्लुगं केन्द्रिय कार्यालय रहेको सिवाईसी र वेनी केन्द्रिय कार्यालय रहेको शालीग्राम लघुवित्त संस्थाहरुबिच एक मर्जर समिती गठन गरि कारोवार गर्ने सहमती भएको छ । तिन सस्थाहरुको मर्जरपछिको अध्यक्षमा आरम्भ चौतारी लघुवित्तका अध्यक्ष जगतवहादुर पोख्रेल रहने तय भएको छ ।
मर्जर समितीमा प्रथम पक्ष आरम्भ चौतारीका तर्फवाट सन्तोष पोख्रेल,केशवराज पन्थी, दिपकुमार बुढाथोकी सिवाईसी नेपालको तर्फवाट डोलेन्द्र प्रसाद शर्मा, अमृतकुमार उपाध्याय र शालिग्रामको तर्फवाट सन्तोष शर्मा रहने सहमती पत्रमा उल्लेख छ । मर्जर पछिको लघुवित्त संस्थाको प्रमुख कार्यकारी अधिकृत भने खुल्ला प्रतिस्प्रधावाट नियुक्त गरिने भएको छ
