बिपना निख्रियो सपना बिग्रियो
झुटो सपना देख्छु
देखेका यी सपनाहरूलाई
कलम उठाई लेख्छु ।
बास, गाँस र कपासहरूमा
तुवाँलो परेको देख्छु
सारा मनको ईच्छाहरूलाई
हृदयबाट नै छेक्छु ।
बाहिर बत्ती झिली र मिली छन्
मनै निभेको देख्छु
हुनेकै छन् बलिया पाखुरा
लुतेलाई छैन लेख्छु ।
म भए त स्वर्ग बनाउँथे
भनेको कानमा सुन्छु
सुनेपछि त आगो बल्छ
भत्काउन मनमा गुन्छु ।
कसो गरी यो एकता बनौं त
अनेकता छिन्न भिन्न
म त उस्तो होइन मित्र
विचार आउँछ विभिन्न ।
यसरी मनमा मेल नखाँदा
विकासको मुहान छेक्छु
छेक्छु छेक्छु आफै लेख्छु
सपनाहरू बिग्रेकै देख्छु !!
- चुङथुङ टी इ दार्जिलिङ्ग (भारत)
26september 2020
.png)
