मुक्तक-१.
दिलभित्र सुकेको खरमा झैँ डढेलो सल्किएपछि
खुशी फुल्ने मनको चौतारीमा पिर पल्किएपछि
कसरी फुलाऊँ ओठमा मुस्कान तिमीले भन्दैमा
तिम्रै कारण यी आँखामा आँसु छल्किएपछि !
मुक्तक-२.
जीवनका सारा निराशा पल्टाउनु छ
दुनियाँले मानेका तमासा पल्टाउनु छ
अरुकै खुशी सोच्दासोच्दै कति दुखी हुनु
अब आफ्नै खुशीको पासा पल्टाउनु छ !
मुक्तक-३.
खराब आचरणको विनाश हुनुपर्छ
मान्छे हुन त मानवता खास हुनुपर्छ
धेर जलेपछि त खरानी हुने मात्र हो
खारिने नै हो भने अभ्यास हुनुपर्छ !
मुक्तक-४.
कुक्क बाडुल्की लाग्दा पनि सम्झियौ होला भन्छु
धरमराउँदा यता मन अलिकति पियौ होला भन्छु
सम्झनाका लहरहरू समुन्द्रका छाल जसरी उर्लदा
पठाउँछु मनभरिको माया पक्कै लियौ होला भन्छु !
- पाँचखाल , काभ्रे ।
१५ पुस २०७७
पत्रकार सतिश चापागाईंको अभिनय रहेको यो म्युजिक भिडियो हेर्नुहोस।