पोथीको क्वार्क्वार् बिना
भाले बासेको कहाँ छ र ?
सूर्यको किरणबिना
हिमाल हाॅसेको कहाँ छ र ?
जङ्गलबिना मयुर नाँचेको
कहाँ छ र
वृद्धवृद्धाबिना संस्कार
बाँचेको कहाँ छ र ?
युवा-युवतीबिना आशा साँचेको
कहाँ छ र ?
अबोध शिशुबिना
समग्र हाँसेको कहाँ छ र ?
मायाबिना छाँया बनिएको
कहाँ छ र ?
छाँयाबिना मानवको
प्रमाण कहाँ छ र ?
यसो र एक अर्कामा
मिलेर जिउनु हो
दु:ख-सुखमा एक अर्काको
मन सिउनु हो
यति एकताको सङ्केतबिना
मानव हुनुको गर्व र सार्थक के छ र ?
जहाँ बेस्सरी बकमफुसे भेलामा
राजाको मात्र बिहे छ र ??
- चुङथुङ टी इ दार्जिलिङ (भारत )
.png)
