किन ? सधैं झपार्नु हुन्छ, मैले केही बिराए जस्तो
कहिलेकाही त गर्नुस् मालिक यसो सम्झाए जस्तो ।
साथी ! टाढैबाट आज मगमग बास्ना आइरहेको छ
मानौं कि पाहुना आउँदा आमाले खीर पकाए जस्तो ।
छोरी के भयो ? खबरै नगरी माइतीघर आइपुग्यौं त
अँधेरो मुख छ सासु, ससुराले कुटेर पठाए जस्तो ।
एक जना डाक्टरले निहुँ खोज्यो खुब घमण्ड गर्दै
मरेर गइ सकेको मान्छेहरूलाई बचाए जस्तो ।
साहुले किचकिच गर्छ भनेर म निराश हुन्थे साहु भेट्दा
बा साहुकै सामु हाँस्नु हुन्थ्यो ऋण सिध्याए जस्तो ।
- रामेछाप- ९