एनआरएनए अमेरिकाको उपाध्यक्ष पदमा उठेका एक होनहार उमेद्वार हुन किशोर रेग्मी । पोखरादेखि अमेरिकासम्मको झण्डै १६ बर्ष लामो विदेशको बसाईका क्रममा रेग्मीसंग यो संस्थालाई समृद्ध बनाउने सपना मात्र होईन स्पष्ट योजना पनि छ ।

रेग्मी सन २००४ सम्ममा साईप्रमा थिए । जहां एनआरएनएका संस्थापकहरु उपेन्द्र महतो र जीवा लामिछानेसंग संगत गरेर एनआरएनएलाई नजिकबाट बुझ्ने मौका पाए । साईप्रमा हुदादेखि नै एनआरएनएप्रति लगाब र झुकाब भएका ब्यक्ति रेगमी अब भने सक्रिय रुपमा संस्थामा लाग्ने सोंचमा छन । “पर्दा पछाडीबाट धेरै सहयोग गरियो । अब आफै अगाडी आएर सेवा, सहयोग र समृद्धिको यात्रा तय गर्न शुरु गर्दैछु ।” रेग्मीले नेप्लिज डायस्पोराका प्रधान सम्पादक सतीश चापागाईसंगको कुराकानीका क्रममा बताए ।

अमेरिका आएपछि रेग्मी केही समय आफ्नै वृत्ति विकासमा लागेपनि फुर्सदमा उनी नेपालीका कार्यक्रमहरुमा र सामाजिक काममा सधै सक्रिय रहे । २००५ मा अमेरिका आएका रेग्मी मेरिल्याण्ड केही समय बिताए र लामो समयदेखि न्युयोर्कमा बसोबीस गर्दै आएका छन । अमेरिकाको मिनेसोटा राज्यको एक विश्वविद्यालयबाट स्नातक गरेका किशोर अहिले न्युयोर्कमा ब्यबसायिक र सामाजिक रुपमा सक्रिय छन्। उनि बिशेष गरी यहाँका युवा, बिद्यार्थी र खेलाडीहरु माझ परिचित छन्। बहुभाषी क्षमताका रेग्मी स्ट्रान्सक्रिप्ट गर्न र अनुवाद गर्न मद्दत चाहिने विभिन्न व्यक्तिहरूलाइ सहयोग पनि गर्दछन।

उपाध्यक्ष पदमा उठेका रेग्मी कुनै एउटा टीमसंग नजिक हुन् रुचाउदैनन। उनि भन्छन, "म प्यानलमा उठेर समाजसेवा गर्न चाहन्न। यो त राजनीति जस्तो भयो।" उनको बुझाईमा सबै राम्रा मान्छे एउटा टीममा मात्र हुदैनन्। मतदाताहरुले रिसर्च गरेर जो जो राम्रो छ त्यसैलाई मत दिन्छन भन्ने रेग्मीको विश्वास छ र उनि कुनै एउटा टीममा छैनन् ।

एनआरएनएमा सदस्यता वृद्धि गर्ने र युवाहरुलाई संस्थामा आकर्षित गर्ने उनको मुख्य योजना छ। स्वतन्त्र उमेद्वारी दिएका र संस्थालाई स्वतन्त्र बनाउने योजना भएका किशोरको उमेद्वारीबाट संस्थालाई राजनीतिभन्दा टाढा राख्नुपर्छ भन्नेहरु खुशी भएका छन्। "मलाई प्यानल मन नपराउने स्वतन्त्र मतदाताहरुले आफै फोन गरेर भोट दिन्छु भन्नु भएको छ। म उत्साही भएको छु।" किशोरले भने।

कुराकानीकै क्रममा किशोरले नेप्लिज डायस्पोरा मार्फत एउटा अनुरोध गरे, "चार जना उपाध्यक्षलाई भोट दिने तपाईको अधिकार छ। एउटा भोट मलाई दिनुस खेर जादैन।"