टक..टक तिमीले दैलो बजाउँदा मैले खोल्न सकिनँ।
खुसी हुँदै तिमी आयौ तर मन खोलेर म बोल्न सकिनँ ।।
तिमी आउने खबरमा नै ज्वारभाटा चलेको मुटुमा ।
तिमीलाई सामु पाउँदा पनि खुसीले म डोल्न सकिनँ ।।
पाएर पनि हराउने डरले मनलाई सताएको थियो ।
कहानीमा तिम्रो सच्चाइको अमृत मैले घोल्न सकिनँ ।।
भगवान् रामको अनुहारभित्र रावणको दृष्टि देखेपछि ।
सीता बनेर दुनियाँको सामु आफूलाई पोल्न सकिनँ ।।
तेलिचुंगा, गहपुर, असम, भारत ।
.png)
