कवि नवराज पराजुलीको बाल्टिमोरमा हुने कविता कन्सर्टको तयारी अन्तिम चरणमा पुगेको बानाका अध्यक्ष सुवोध विलास पन्तले जानकारी दिनुभयो ।
बाल्टिमोरको सामाजिक संस्था बानाले आयोजना गर्ने उक्त कन्सर्टमा स्थानीय आठ कविहरुले आफ्ना कविता वाचन गर्नुहुने जानकारी बानाका महासचिव सागर घिमिरेले नेप्लिज डायस्पोरालाई दिनुभयो ।
यसरी वाचन गर्नेहरुमा अमृता नेपाल, सतीश चापागाई, प्रवीन खड्का, नवराज पन्त, रोहित राना, वुद्धि मोक्तान, महेश भट्टराई र प्रबिण भण्डारी रहनु भएको छ ।
कार्यक्रममा कवि नवराज पराजुलीले झण्डै डेढ घण्टा र अन्य कविहरुले एक घण्टा समय लिनुहुने बुझिएको छ । साढे दुई घण्टाको विशुद्ध साहित्यिक जमघटमा सहभागी हुन चाहनेले टिकट किनेर समय मै प्रवेश गर्नुपर्ने छ ।
कार्यक्रम बारेको थप जानकारी फ्लायरमा छ ।
.png)
