जीवन बीमा गरेको एक हप्ता मै निधन भएका अमेरिकाका एक नेपाली यूवाको परिवारले बीमा बापतको पुरै चार लाख सत्तरी हजार डलर प्राप्त गर्न सफल भएको छ ।

अमेरिकाको मेरिल्याण्ड राज्यको बाल्टिमोरमा गत डिसेम्बरमा सवारी दुर्घटनामा निधन भएका सुनील बराईलीको परिवारले उक्त रकम पाउन सफल भएको हो ।

निधन हुनु अगाडी सुनील बराईलीले जीवन बीमाका लागि कन्ट्र्याक्ट गरेपनि हेल्थ चेकअप र बांकी काम नभएको भन्दै शुरुमा बीमा कम्पनीले बीमा बापतको रकम दिन मानेको थिएन । तर सुनीललाई बीमा गर्न सहयोग गर्ने ईन्सुरेन्स प्रोड्युसर (बीमा अभिकर्ता) कुशल श्रेष्ठ र राईज टिमका सिईओ नरेश केसीको बिशेष पहलमा उक्त रकम प्राप्त गर्न सफल भएको सुनीलकी श्रीमती सुनीता बराईलीले बताईन । 

“सुनीलले दुईटा ईन्सुरेन्स गरेका रहेछन । एक लाख सत्तरी हजारको इन्सुरेन्स तीन बर्षदेखि चलेकोले एक महिना मै रकम खातामा आयो । तर अर्को ईन्सुरेन्सको लागि अलि धेरै प्रकृया पुर्याउनु पर्यो ।” राईज टिमका फाउण्डर तथा सिईओ नरेश केसीले बताए । “ईन्सुरेन्सका लागि साईन गरेर पठाएपनि मेडिकल नभएकोले पहिलो किस्ता नै सुनीलको खातामा फिर्ता भईसकेको थियो । तर हामीले त्यो पैसा उनको परिवारलाई ल्याउन सफल भयौं ।” नरेश केसीले भने ।

“दुर्घटनामा निधन हुनुभन्दा एक हप्ता मात्रै दाईलाई ईन्सुरेन्सको बारेमा बुझाएर फाराम भरेर पठाएको थिएं । बांकी प्रक्रिया हुदै थियो । अचानक उहांको दुखद निधन भयो।” ईन्सुरेन्स एजेण्ट कुशलले भने ।

कुशलले अगाडी थपे, “खासमा बच्चाहरुको ईन्सुरेन्स गर्न भनेर कुरा शुरु भएको थियो । पछि हामी गाडी चलाउने मान्छे, केही भईहाल्यो भने भन्दै दाईले आफ्नै नाममा गर्ने भन्नुभयो । जीवनको के भर ! एक हप्ता मै उहांले संसार छाडेर जानुभयो।”

विभिन्न देश हुदै सन् २०१३ को अन्तिमतीर अमेरिका आएका सुनीलको सन् २०१८ मा कागज बनेको थियो । सुनिलले लगत्तै श्रीमती, छोरा र छोरीलाई अमेरिका बोलाएका थिए। पढ्ने उमेरका छोराछोरी भएकाले श्रीमतीले पनि काम गर्न पाएकी थिईनन । सुनील एक्लै काम गर्दथे ।

परिवार आएपछि नै कोरोना महामारी शुरु भएकोले केही महिना कमाई भएन । सुनीलले काम गरिरहेको पिजा कम्पनी पनि छाडे । अनि उनले उबर ड्राईभर भएर गाडी चलाउन थालेका थिए । उबरबाट आएको पैसाले घर धानेको थियो ।

“अमेरिकामा स्थायी बसोबासको कागज बने लगत्तै उहांले एक लाख ७० हजार डलरको बीमा लिनु भएको रहेछ ।” डब्लुएफजी (WFG) कम्पनीका ईन्सुरेन्स प्रोड्युसर (अभिकर्ता) कुशल श्रेष्ठले जानकारी दिए । उनले थपे, “पछि उहांले परिवार र छोराछोरीको लागि ईन्सुरेन्स गर्न भनेर मलाई बोलाउनु भएको थियो । ईन्सुरेन्सको नियममा बाबुआमाको ईन्सुरेन्सको अनुपात हेरेर मात्र बच्चाको ईन्सुरेन्स गरिन्छ । बुबाकै कम भएकोले बच्चाहरुको ईन्सुरेन्स उहांले सोचेको रकमको भएन र उहांकै लागि ३ लाखको थप गरेर पठाएका थियौं ।”

“उहां त 'उबर चलाउंछु । गाडी चलाउंदा दुर्घटना भयो भने उपचार खर्च उबरले दिन्छ र मरियो भने पनि उबरले मिलियन डलर दिन्छ ।' भन्दै हुनुहुन्थ्यो ।” कुशलले थपे, "अधिकांश उबर ड्राईभरलाई यहि विश्वास छ । तर उहाले उबरबाट अहिलेसम्म केही पनि पाउनु भएको छैन । बरु हामी अहिले परिवारलाई धेरै रकम निकाल्न लडिरहेका छौं ।”

बीमाको रकम प्राप्त गरेपछि बराईलीको परिवारमा आर्थीक समस्याको समाधान भएको छ । “तीन बर्ष अमेरिकामा बिताएपनि हामीलाई केही आउदैन । आएपछि भित्रको भित्रै भयौं । हाम्रो अभिभावक र कमाउने मान्छे नै उहां हुनुहुन्थ्यो ।उहां नै नभएपछि हामी…।” यति बोल्दाबोल्दै श्रीमती सुनीता रुन शुरु गरिन ।

सुनीताले केही बेरपछि फेरि भनिन, “हामी त यहां बस्न मात्र हैन नेपाल पनि फर्कन नसक्ने अवस्थामा थियौं । धन्न उहांले ईन्सुरेन्स गरेर जानु भएको रैछ । त्यो पैसाले हाम्रो परिवारले थोरै राहतको महशुस गरेको छ ।”

“मलाई उहांको अभाव मेरो सास रहदासम्म रहनेछ तर अहिले पाएको पैसाले हाम्रा दुईटा बच्चाको पालन पोषण गरेर खुट्टा टेक्ने बनाउने छु भन्ने आत्मविश्वास बढेको छ ।” सुनीताले भनिन ।

सुनीलको परिवारले ईन्सुरेन्सको १ लाख ७० हजार एक महिना मै पाएका थिए ।

सुनील बराईलीले समय मै ईन्सुरेन्सका बारेमा सोच्दा परिवारले ठुलो राहत पाएको ईन्सुरेन्सका अर्का अभिकर्ता केशब दाहालको भनाई छ ।  उनी भन्छन, “हामी हाम्रो जीवनको घटना र दुर्घट्ना रोक्न सक्दैनौ तर हामीले दुर्घटनापछि हामीमा डिपेण्ड भएको परिवारको बारेमा सोच्न भने सक्छौं ।”

अमेरिकाको नेपाली समाजमा ईन्सुरेन्सका बिषयमा पक्ष विपक्षमा छलफल त भईरहन्छ । तर सुनीलको परिवारको घटना हेर्दा सबैले यस बिषयमा एक पटक सोच्न जरुरी देखिन्छ । "हामीसंग एक पटक सम्पर्क  गर्नुस, समय लगाएर बुझ्नुस । तपाईलाई चित्त बुझ्छ किन्नुस बुझ्दैन नकिन्नुस तर हामीसंग एक पटक जरुर सम्पर्क गर्नुस ।" डब्लुएफजीका मार्केटिगं डाईरेक्टर श्याम कतिलाले नेप्लिज डायस्पोरासंग भने ।