समय हतारमा छ
केही उमेर निदाउन मिल्दैन
गाउँ बाझो छ
सिरुपाते र बनमाराले
रुखो बनाएको छ
बैँस फुल्नु नपाउदै हुलका हुल जवानी
शहर छिरेको छ सुकुम्बासी बन्न
आफ्नै स्वभिमान बेचेर
निम्छरो जिन्दगी घिसारेर
लम्पसार परेको छ
शहरको बिर्तामा
शिर उचाल्छ
असभ्यता प्रदर्शन गर्छ
भन्छ -मार्न र मर्न तयार छौ
उल्टो हिड्दै छ मान्छेहरु
पारेर शहर दुर्गन्धित
सभ्यता झुन्डिएर एक कुनामा
लेखाउदै छ मधुरो इतिहास
सुकुम्बासीको नाममा ।।
.png)
