भुमध्यरेखिय मौसमजस्तो
सदा एकनासको छैन
मेरो जिन्दगीको मौसम ।
गुरु कामदले गाएको
ठुमरीको लयजस्तो
मिलेको छैन मेरो यात्राको लय ।
भिन्चिले पोतेका रङजस्तो
पोतिएका छैनन् सुन्दर रङहरुले
मेरो सपनाको क्यान्भास ।
कालीतिरमा एकलाश बसिरहेको
शालिग्रामजस्तो छ मेरो जिन्दगी ।
चराजस्तै बास फेर्दै हिड्नुपर्नेछ
लामा उकाला बाटाहरु ।
ए मेरी साथी !
लौ फैसला गर,
चौतारी बनेर यतै बस्छेऊ
या लौरो बनेर मसँगै हिड्छेऊ ?
--
रामपुर, पाल्पा
हालः फ्लोरिडा
.png)
