पाल्पा २०८० असार ५ गते

मृगस्थली लघुकथा चौतारीले नेपाली लघुकथा विधाका विश्लेषक खेमराज पोखरेललाई स्वागत गरेको छ । कार्यक्रममा प्रमुख अतिथि पोखरेललाई समूहले सयपत्री र रुद्राक्षको माला, च्यादर, खादा, टिकाले स्वागत गरिएको थियो । संवाद चौतारीका संस्थापक योगप्रसाद उपाध्यय चापागाईंले प्राज्ञको आगमनमा खुसी व्यक्त गर्दै लिखित अभिवादन पाठ गर्नु भएको थियो । प्रमुख अतिथि पोखरेलले लघुकथा चौतारीले लघुकथाको प्रवर्धनमा योगदान पुर्याएको कुरा बताउनु भएको थियो । कार्यक्रममा बोल्दै पोखरेलले परम्परागत नेपाली समाजलाई अघि लैजान कथाकारले नयाँ भन्दा नयाँ विषय खोज्नु पर्ने कुरा अौल्याउनु भएको थियो । कथाकार मनीषकुमार शर्माको अध्यक्षतामा बसेको अभिनन्दन कार्यक्रममा इन्दिरा चापागाई, सुनिता निरौला पौडेल, मन्दिरा चापागाईं, शान्ता तिमसिना लगायत स्रष्टा तथा अन्य धेरै स्रोताहरूको उपस्थिति थियो ।