काठमाण्डौं तार्केस्वर घर भई विगत २ बर्षदेखि डेनमार्क कोपेनहेगन बस्दै आउनु भएका बर्ष २७ का सुविन्द्र खत्रीको पौडी खेल्ने क्रममा डुवेर बेहोश भई उपचारको क्रममा कोपेनहेगनको रिंग्स हस्पिटलमा मिति २७ जुन २०२३ का दिन निधन भएको छ ।
यो घटनाबाट आफुहरु स्तब्ध भएको एनआरएनए डेनमार्कले बताएको छ ।
"दु:खको यस क्षणमा मृतआत्मा को चीर शान्तिको कामना सहित हार्दिक श्रद्धांजलि अर्पण गर्दै शोकाकुल परिवार प्रति गहिरो समवेदना प्रकट गर्दछौं ।" अध्यक्ष शैलु अधिकारीले भने ।
एनआरएनए डेनमार्कले परिवारको अनुरोधमा स्व. सुविन्द्र खत्रीको शब नेपाल लैजाने संबन्धि कार्यमा सबै संघसंस्था तथा डेनमार्कबासी नेपालीहरुसंग सहकार्य गर्दै प्रक्रिया अगाडी बढाउने निर्णय गरेको छ ।
संबंधित कम्पनीलाई सूचना गरि हष्पिटल, पुलिस, नेपाली राजदूतबासबाट काग़ज़ात संकलन भईरहेको अध्यक्ष अधिकारीले बताए ।
"आर्थिक संकलनका लागि डेनिस आधिकारिक निकायसंग अनुमतिका लागि निवेदन दिईएको र आज बेलुकीसम्म सबै नेपाली समाज डेनमार्कका सबै संघसस्था तथा ब्यक्तिहरुको सहकार्यमा आर्थिक संकलनको आव्हान गर्दै सकेसम्म छिटो शब नेपाल लगिनेछ।" उनले भने ।
.png)
