गैर आवासीय नेपाली संघ, स्पेन क्षेत्रीय समिती कोस्टाब्लान्काको दोस्रो क्षेत्रीय अधिवेशनले सुरेश बज्राचार्यको अध्यक्षतामा नयाँ कार्यसमिती निर्विरोध चयन गरेको छ ।

बिहिवार बेनिर्डममा सम्पन्न अधिवेशनमा निर्वाचन समितीका संयोजक सुरेन्द्र भुजेल थापाले नयाँ कार्यकाल२०२३–२५ को लागि निर्विरोध निर्वाचित नयाँ कार्यसमितीको घोषणा गर्दै प्रमाण पत्र वितरण गर्नु भयो ।

नव निर्वाचित कार्यसमितीका उपाध्यक्षहरुमा केशर बहादुर थापा र वीर बहादुर खत्री हुनुहुन्छ । 

यसैगरी सचिव रोजिना श्रेष्ठ, कोषाध्यक्ष सुवास ओली र सहसचिवमा सरोजकेसी रहनु भएको छ । यस्तै महिला संयोजकमा बिजया थापा र यूवा संयोजकमा विशाल केसी चुनिनु भएको छ ।

 सदस्यहरुमा सैलेश बज्राचार्य, शिव नेपाल, कमल कडेल, सुनयना श्रेष्ठ र कल्पना भुजेल थापा रहनु भएको छ ।

यस्तै अधिवेशनले आफ्नो क्षेत्रको तर्फबाट एनसीसी सदस्यमा रितेश श्रेष्ठ र क्षेत्रीय सचिवमा सन्तोष अर्याललाई सिफारिस गरेको छ । कार्यक्रममा एनआरएन कोष्टाब्लान्काका निवर्तमान अध्यक्ष देवराज सापकोटाले आफ्नो कार्यकालमा सहयोग गर्ने सवैलाई धन्यवाद दिदै नवनिर्वाचित कार्यसमितीलाई सफल कार्यकालको शुभकामना भएको थियो ।

(स्रोत: स्पेननेपाल डटकम। सम्पादक।)