एपल कम्पनीले आफ्नो नयाँ उत्पादन आइफोन १५ यहि सेप्टेम्बर १२ तारिखमा सार्वजनिक गर्ने भएको छ । गत बर्ष सार्वजनिक गरेको आइफोन १४ भन्दा नयाँ उत्पादन अझ अपग्रेडेड हुने बताइएको छ ।

क्यालिफोर्नियामा रहेको एपलको मुख्यालयमा कार्यक्रमको आयोजना गरेर नयाँ उत्पादन सार्वजनिक गरिने भएको छ । जसमा धेरै पिचरहरु थप गरिएको बताइएको छ । आइफोनका यसअघिका फोनहरु दुई मोडलमा आउने गरेकोमा १५ को सिरिज भने चार मोडलमा आउने बताइएको छ । जसमा आइफोन १५, १५ प्रो, १५ प्रो म्याक्स र अल्ट्रा हुने बताइएको छ ।

यसका साथै आइफोन १५ मा मेमोरीपनि बढि हुनेछ । जसमा ६ जीबी र ८ जीबीको रहनेछ । यसको मूल्य कति पर्ला भनेर सबैको चासो भएपनि अहिलेसम्म यो कुरा बाहिर आएको छैन । तर आइफोन १४ प्रो म्याक्स भन्दा नयाँ फोन दुई सय डलर महंगो हुने बतायएको छ । यस्तै आइफोन १५ अल्ट्राको मूल्यको सुरुवाती मूल्य १२ सय देखि १३ सय हुने अनुमान गरिएको छ ।

यो फोनमा अनिवार्य सी युएसबी केबल हुनेछ । युरोपियन युनियनले बनाएको नियम अनुसार आइफोनले अनिवार्य रुपमा सी टाइप युएसबी केबल राख्नुपर्ने भएको छ । हरेक बर्ष नयाँ सिरिजको आइफोन सार्वजनिक गर्ने गरेको एप्पलले एयरबडका साथै स्मार्ट वाचपनि नयाँ सार्वजनिक गर्ने छ ।