बिश्वकप विजेता टीमकी खेलाडीलाई ओठमा चुम्बन गरेको विवादमा परेका स्पेनीस फुटबल संघका अध्यक्ष लुइस रुविलेसले चौतर्फी दबाबपछि अन्तत राजिनामा दिएका छन ।

अष्ट्रेलिया र न्यूजिल्याण्डको संयुक्त आयोजनामा भएको विश्वकपको उपाधि जितेपछि पुरस्कार बितरण समारोहका बेला खेलाडी जेनिफर हेरमोसोलाई चुम्बन गरेका लुइसले केहि साता देखि आलोचना खेपिरहेका थिए । उनको राजिनामाका लागि स्पेनका मन्त्रीहरुले नै संसदमा बोलेका थिए । यस्तै यो घटनापनि फिफाले पनि उनलाई प्रतिबन्ध लगाएको थियो ।

लुइसले स्पेनीस फुटबल संघका कार्यबाहक अध्यक्षलाई जानकारी दिँदै राजिनामा दिएका छन । साथै उनले युरोपियन फुटबल महासंघका उपाध्यक्ष पदबाट पनि राजिनामा दिएका छन । उनले एक्स पुरानो ट्विटरमा आफ्नो राजिनामाको बारेमा उल्लेख गरेका छन ।

उनले यो घटनापछि आफु मात्र नभएर पुरै परिवारले नै आलोचना खेप्नु परेको बताएका छन । चुम्बनको यो घटनाले विश्व फुटबलमा लुइसको आलोचना भएको थियो भने अब उनको राजिनामाले स्पेनिस फुटबलमा अन्योलता छाएको बताइएको छ ।

उनीविरुद्ध मुद्दापनि दर्ता गरिएको छ । ४६ बर्षे लुइसले यो घटना लगत्तै सार्वजनिक रुपमा माफि माग्दै आफुले जानीजानी नगरेको र दुर्घटनाबस भएको बताएका थिए ।