मेरिल्याण्डको बाल्टिमोरमा रहेको द हिमालयन बाल्टिमोर युनाइटेड एफसीले पहिलो संस्करणको दशै कप आयोजना गर्ने भएको छ । नेपालीहरुको महान चाँड दशैको पूर्वसन्ध्यामा आयोजना हुने प्रतियोगिता अक्टोबरको १४ र १५ तारिखमा हुनेछ ।
प्रतियोगिताका लागि टिमका दर्ता खुल्ला गरिएको छ भने हरेक टिमले ५०० डलर दर्ता शुल्क तिर्नुपर्ने आयोजकले जनाएका छन । प्रतियोगितामा टिम दर्ता गर्दा आयोजकले केहि सर्तहरुपनि राखेको छ । जसमा टिमका खेलाडी ३५ बर्ष माथिको हुनुपर्ने, टिममा ३ जना ३० बर्षमाथिको राख्न पाउने भनिएको छ । गोलकिपरको हकमा भने उमेर हकबन्दि लगाइएको छैन ।
प्रतियोगिताका लागि टिम दर्ताको समय ३० सेप्टेम्बरसम्म राखिएको छ । प्रतियोगितामा पहिलो हुने टिमले २५ सय डलर पाउनेछ भने दोस्रो हुने टिमले १५ सय डलर पाउनेछ । दुई दिने प्रतियोगिता लिग कम नकआउटका आधारमा हुनेछ ।
