इन्ट्रा नेश्नल वेलफेयर एण्ड सपोर्ट फाउन्डेसन अमेरिकाको आयोजनामा हुन लागेको भलिबल र फुटबल प्रतियोगितामा सहभागि टिमको संख्या र खेल तालिका सार्वजनिक भएको छ । यो फाउन्डेसनले गर्न लागेको तेस्रो संस्करणको फुटबल प्रतियोगिताको पुरुषतर्फ १६ टिमको सहभागिता रहनेछ भने यस्तै पुरुष भलिबल तर्फ २४ टिमको सहभागिता हुने भएको छ भने महिला तर्फ ६ टिमले प्रतिस्पर्धा गर्ने भएका छन ।
अमेरिकाको न्यूयोर्क स्थित रोचेस्टरमा हुने प्रतियोगिताको तयारी पुरा भएको छ । भोलीबाट सुरु हुने प्रतियोगिताको औपचारिक उद्घाटन भने शनिबार हुनेछ । प्रतियोगिताको पुरुष तर्फको फुटबलमा सहभागि १६ टिमलाई चार समुहमा विभाजन गरिएको छ । जसमा हरेक समुहमा चार चार टिम राखिएका छन । समुह चरणमा शिर्ष हुने टिमले क्वाटरफाइनलमा स्थान बनाउनेछन ।
यस्तै भलिबलमा पुरुषतर्फ सहभागी २४ टिमलाई ८ समुहमा बिभाजन गरिएको छ । जसमा हरेक समुहमा तीन तीन टिम राखिएको छ ।
आयोजकले सार्वजनिक गरेको पुरुष फुटबलको खेल तालिका अनुसार एनवाईएन एफसीले पहिलो खेलमा इन्ट्रा एफसीसँग प्रतिस्पर्धा गर्नेछ ।
सेप्टेम्बर २२ देखि २४ सम्म हुने प्रतियोगितामा ३५ बर्षमाथिका भेट्रान्सको पनि प्रतिस्पर्धा हुनेछ । जसमा ८ टिम रहेका छन । सहभागि टिमलाई दुई समुहमा विभाजन गरिएको छ ।
महिला भलिबल तर्फपनि सहभागि ६ टिमलाई दुई समुहमा विभाजन गरिएको छ । यो फाउन्डेसनले गर्दै आएको इन्ट्रा कपको तेस्रो संस्करणसम्म पुग्दा पुरस्कार राशीमा पनि बृद्धी भएको छ ।
प्रतियोगितालाई भब्य पार्नका लागि आयोजकले सबै तयारी पुरा गरेको यो प्रतियोगिताका डाइरेक्टर रुद्र बानियाँले नेप्लिज डायस्पोरालाई बताए । साथै उनले उद्घाटन समारोह शनिबार हुने र यसमा नेपाली चलचित्रका नायक दिलिप रायमाझी बिशेष अथिति रहने बताए । साथै यस फाउन्डेसनका अध्यक्ष डिल्ली अधिकारी प्रमुख अथिति रहने बताए । यसका साथै उद्घाटन समारोहमा भुटानबाट खेलिसकेका नेपाली भाषी खेलाडीपनि समारोहमा उपस्थ्ति हुने बताए ।
यो पटक फाउन्डेसनले पुरस्कार राशीमात्र एक लाख डलर भन्दा बढिको राखेको छ । यसका साथै उपाधि जित्ने टिमले ४० तोलाको सुनको ट्रफी पाउने बताए । यो प्रतियोगितालाई सफल होस भनेर नेपालका कलाकार र भलिबल खेलाडीले समेत शुभकामना प्रदान गरेका थिए ।
प्रतियोगिताको पुरुष तर्फको फुटबल प्रतियोगिताको पुरस्कार राशी पहिलो हुनेले १५ हजार डलर पाउनेछन भने दोस्रो हुनेले १० हजार र तेस्रो हुनेले ६ हजार डलर हात पार्नेछन ।
यस्तै भेट्रान तर्फको विजेताले ८ हजार डलर, उपविजेताले ५ हजार र तेस्रो हुनेले पच्चिस सय डलर पाउनेछन । महिला तर्फको उपाधि उचाल्नेले आठ हजार डलर, उपविजेताले पाँच हजार र तेस्रो हुनेले पच्चिस सय डलर पाउनेछन ।
भलिबलमा पुरुष तर्फको विजेताले १० हजार डलर, दोस्रो हुनेले ६ हजार र तेस्रो हुनेले ३ हजार डलर पाउनेछन । महिला तर्फको च्याम्पियन हुनेले सात हजार डलर, उपविजेताले चार हजार र तेस्रो हुनेले दुई हजार डलर पाउनेछन ।
