चीनमा जारी १९ औं एसियाली खेलकुदमा नेपालले एक काश्य पदक पक्का गरेको छ ।
नेपालले महिला कबड्डीमा कम्तिमा काश्य पदक पक्का गरेको हो । पहिलो सहभागितामै महिला कबड्डिले नेपाललाई पदक दिलाउन सफल भएको छ ।
समुह बी मा इरानले बंगलादेशलाई पराजित गरेपछि नेपालले सेमिफाइनलमा स्थान बनाउँदै पदक पक्का गरेको हो । बुधबार बिहान भएको खेलमा इरानले बंगलादेशलाई ५४–१६ ले पराजित गरेसँगै नेपालले सेमिफाइनलमा स्थान बनाएको हो ।
समुह बी मा इरान समुह विजेता र नेपाल उपविजेताका रुपमा सेमिफाइनलमा स्थान बनाएका छन् ।
नेपालले पहिलो खेलमा बंगलादेशलाई ३७–२४ ले पराजित गरेको थियो भने दोस्रो खेलमा इरानसँग ४३–१९ ले पराजित भएको थियो ।
.png)
