Logo

सोमवार, मंसिर १ गते २०८३   |   2026 November 16

images

images

चितवनमा बोरामा भेटिएका दुई जनाको शवको स्केच सार्वजनिक

चितवनमा बोरामा भेटिएका दुई जनाको शवको स्केच सार्वजनिक

नेप्लिज डायस्पोरा

१७, मंसिर २०८०
images
चितवनमा बोरामा भेटिएका दुई जनाको शवको स्केच सार्वजनिक

काठमाडौँ । चितवनको भरतपुरमा बोराभित्र पोको पारेर फालेको अवस्थामा भेटिएको दुई वटा शवको सनाखत हुन नसकेपछि प्रहरीले स्केच सार्वजनिक गरेको छ । मङ्सिर ६ मा भरतपुर महानगरपालिका–१२ स्थित मिलनचोकमा महिला र पुरुषको शव भेटिएको थियो ।

शव पहिचानका लागी जिल्ला प्रहरी कार्यालय चितवनले सामाजिक सञ्जाल ‘फेसबुक’ मार्फत स्केच सार्वजनिक गरेको हो । ७७ वटै जिल्ला प्रहरी कार्यालय र सीमावर्ती भारतीय इलाकाहरूमा समेत हुलिया परिपत्र गर्दा मृतकहरूको सनाखत हुन नसकेको हुनाले स्केच सार्वजनिक गरिएको जिल्ला प्रहरी कार्यालय चितवनका डिएसपी विजयराज पण्डितले रातोपाटीलाई बताए । डिएसपी पण्डितले भने–‘विशेषज्ञहरूको सहयोगमा तयार गरिएको स्केच सार्वजनिक गरेका छौँ, स्केचबाट आफन्त र चिनजानका मानिसहरूमार्फत शवको सनाखत गर्न सहयोग पुग्ने विश्वास छ ।’

प्रहरीले मृतकहरूले लगाएको कपडाको विवरण पनि सार्वजनिक गरेको छ । सडे गलेको अवस्थामा भेटिएका शवको पहिचान गर्न सहयोग गरिदिन प्रहरीले ‘विशेष आग्रह’ गरेको छ । आफ्नो चिनजानका महिला र पुरुष सम्पर्कमा नआएको भए जिल्ला प्रहरी कार्यालय चितवनमा सम्पर्क गर्न प्रहरीले आग्रह गरेको छ । जिल्ला प्रहरी कार्यालयको सम्पर्क नम्बर ९८५५०९०१३३ र ९८५५०९०४२२ मा सम्पर्क गरेर शवको सनाखत गर्न प्रहरीले सहयोग मागेको छ ।

images
प्रकाशित मिति :मंसिर १७, २०८० आइतवार - २१:५८:१२ बजे

नेप्लिज डायस्पोरा

Copyright © All right reserved to Nepalses Diaspora Site By: SobizTrend