साँझको बेला साइँला हातमा ठूलो कढाई बोकेर आउँदै थियो ।
"कहाँदेखि हो भाइ ?"
"हेप्पी न्यू इयर दाइ !! नयाँ सालको पहिलो दिन पिकनिक खाएर आको । सालको पहिलो दिन तपाईँले के गर्नु भयो त ?"
"के गर्नु भाइ मात्र क्यालेन्डर फेरेँ " "पात्रो त वैशाखमै फेर्ने हो ।"
" हैट! दाइ किन नकारात्मक भएको नि ?"
"बाँचुन्जेलसम्म कम्ती दुःख छ ? दुःख र द्वन्दले भरिएको छ संसार । "
"बेलाबेला साथीभाइसँग हाँसखेल पनि गर्नु पर्छ ।"
साइँला बाटो लाग्दै गम्भीर हुँदै भन्दै थियो, " दाइ हामीले आफ्नो माझ द्वन्द गर्न स-साना कुरामा निहुँ खोज्छौँ तर मिलेर हाँसखेल गर्न एउटा दिनको निहुँ पर्दा चै आपत्ति किन् ?
-पासीघाट, अरुणाचल प्रदेश
भारत ।
.png)
