देश परिवर्तनको मुहारमा थियो । जन उत्साहित थियो । नारा घन्किँदै थियो..... जिन्दावाद.... मुर्दावाद
एक सच्चा नागरिकको हैसियतले म पनि उपस्थित भएँ ।
यसैबिच एकसँग परिचय भयो । उनले उत्साहसाथ भने भने “म ....वादी..”
अर्का पनि परिचित भए “म ....वादी”
तेस्रो चौथो पाँचौ सबै परिचित भए । सबै फुरुङ्ग भएर आ-आफ्नो वादको नाता लगाउँदै थिए ।
निसासिएँ, तात्तातो माहौल छाडेर फरक्क फर्किएँ । फर्किँदै गर्दा आफूले आफैलाई प्रश्न गरेँ, “ सबै राष्ट्रविप्लवहरूबीच म के खोज्न गएको थिएँ हँ...?”
- मध्यपुर ठिमी, भक्तपुर ।
.png)
