न ढुङ्गाले घनको कुरा बुझ्न सक्छ ।
न ढुङ्गाले मनको कुरा बुझ्न सक्छ ।
अनाहक ढलेको कहाँ हो र शालिक ?
कथित आन्दोलनको कुरा बुझ्न सक्छ ।
समयमै सबै पात झार्दिन्छ रुखले !
शिशिर आगमनको कुरा बुझ्न सक्छ ।
सगर चुम्छु भन्दा अचम्मित नहुनुस्
रुवाले पवनको कुरा बुझ्न सक्छ ।
दुवैका सदियौँ पुराना कथा छन् !
जमलले असनको कुरा बुझ्न सक्छ ।
पुनः साथ दिन्न भन्यो आज मनले !
अब विष वमनको कुरा बुझ्न सक्छ ।
- ढोरपाटन - ३, बागलुङ्ग
.png)
