अमेल मित्रता हुन्छ चुनावी प्रचार खुब हुन्छ,
चुनावको बेलामा भोटरसँग प्यार खुब हुन्छ ।
महँगी बढ्छ र जनतामा कालो बादल उस्तै,
फेरी जनतासँग सरकारकै तकरार खुब हुन्छ ।
छिमेक मौकामा चौका हुन्छ दलाल छन् खुबै,
असमान सम्झौता विदेशी व्यापार खुब हुन्छ ।
चुनाव हारेका पछार्ने दाउँमा उस्तै यताउता,
निर्दोषलाई भ्रष्टाचारमा कारागार खुब हुन्छ ।
जनता दु:खी देशमा लुटपाट उस्तै गुण्डागर्दी,
विदेशीकै निसानामा फेरी सरकार खुब हुन्छ ।
जसले जिते पनि पैसा प्रधान समाजमा साथी,
आसेपासेको सुसार देशमा हुनेहार खुब हुन्छ ।
- घोराही १८, दाङ्ग ।
०८-११-२०२५
.png)
