समर्पण
सङ्का हुने भनेको नै विश्वास नभएर हो
तिम्रो पीडा तिम्रो आँसु हेर्न सक्दिन म ।
सगरको जस्तै माथ उच्च राख्ने चाहना हो
लगाइ टिको कलङ्कको केर्न सक्दिन म
तिम्रो पीडा तिम्रो आँसु हेर्न सक्दिन म ।
मौसम जस्तै जीवनरेखा परिवर्तन भइरहन्छ
चल्छ हुरी आउँछ आँधी घेर्न सक्दिन म ।
बुझी नियम प्रकृतिको हरदम खुसी बने
तिम्रो पीडा तिम्रो आँसु हेर्न सक्दिन म ।
अटुट यो हृदयमा अमिट छाप लगाएर
बसेका छौ राजकाज गरि फेर्न सक्दिन म
तिम्रो पीडा तिम्रो आँसु हेर्न सक्दिन म ।
मेरालागि तिम्रो वाणी ब्रम्हवाक्य सावित हुन्छ
जो कोहि सामु तिम्लाई जस्तो टेर्न सक्दिन म
तिम्रो पीडा तिम्रो आँसु हेर्न सक्दिन म ।
परि आए ज्यानै अर्पण गर्न पछि पर्दिन भो
राजकाज गरि बस्या मुटु फेर्न सक्दिन म
तिम्रो पीडा तिम्रो आँसु हेर्न सक्दिन म ।
हेर्न सक्दिन म ।
-तुलसी स्पन्दन
.png)
